गर्भावस्थाको समयमा महिलाहरूले आफ्नो स्वास्थ्यको विशेष ख्याल राख्नुपर्छ। किनभने यस समयमा उनीहरूको शरीर धेरै नाजुक अवस्थामा हुन्छ। साथै, महिलाहरूले आफ्नो शरीरको मात्र होइन, आफ्नो गर्भमा रहेको बच्चाको स्वास्थ्यको पनि विशेष ख्याल गर्नुपर्छ।
यसैले गर्भवती महिलालाई आफ्नो स्वास्थ्यको विशेष ख्याल गर्न सल्लाह दिइन्छ, ताकि आमा र बच्चा सुरक्षित रहुन्। तर अझै पनि यस्ता धेरै गल्तीहरू प्रायः हुने गर्छ, जसका कारण गर्भवती महिलाले धेरै समस्याको सामना गरिरहेका हुन्छन्।
![Gokarna Karki](https://parichaya.com/wp-content/uploads/2024/09/WhatsApp-Image-2024-09-05-at-9.36.07-AM.jpeg)
गर्भावस्थामा गरिने गल्तीले गर्भवती महिलालाई मात्र हानी गर्दैन, यसको असर गर्भमा रहेको बच्चामा पनि पुग्न सक्छ, जसको बारेमा हामी तपाईलाई बताउँन गइरहेका छौँ, गर्भावस्थामा हुने यस्ता गल्तीहरु जुन गर्नु हुँदैन।
भारी वजन उठाउनेः गर्भवती महिलाहरू प्रायः बोर हुन्छन् किनभने उनीहरूले धेरै काम नगर्न भनिन्छ। उनीहरू प्रायः घर भित्रका केही कामहरूमा मद्दत गर्ने प्रयास गर्छन्। साना घरायसी काममा सहयोग गर्नु ठिकै हो तर कहिलेकाहीँ कामको क्रममा अकस्मात धेरै तौल उठ्ने गर्छ, जसका कारण उनीहरुलाई मात्र होइन, गर्भमा रहेको बच्चालाई पनि हानि पुग्न सक्छ । त्यसैले गल्तीले पनि यस्तो गल्ती गर्नुहुँदैन ।
![](https://parichaya.com/wp-content/uploads/2024/09/8x10ft-media-scaled.jpg)
चिप्लो जमिनमा हिड्ने: गर्भावस्थाको समयमा, महिलाहरूले आफ्नो हिडाइको पनि ख्याल गर्नु पर्दछ। चिप्लो बाटोमा नहिड्न सल्लाह दिइन्छ जसले उनीहरूको शरीरमा धेरै तनाव नपरोस्। गर्भावस्थामा महिलाको शरिरको सन्तुलन कमजोर हुन्छ त्यसैले गल्तीले पनि चिप्लो ठाउँमा हिड्ँदा विशेष ख्याल गर्नु पर्दछ।
फर्निचर आदि सार्नेः गर्भावस्थामा थोरै काम जस्तै सरसफाई आदि गर्नु राम्रो हुन्छ । तर कहिलेकाहीँ सरसफाईको काममा ध्यान नदिँदा भारी फर्निचर वा कुनै पनि ठूला वस्तु सार्न हानिकारक हुन सक्छ र गर्भावस्थामा गरेको यो गल्तीपछि आमा र बच्चा दुवैलाई महँगो पर्न सक्छ। त्यसैले यस्ता गल्तीबाट सधैं बच्नुपर्छ।
राती अबेरसम्म जागा रहनुः गर्भावस्थामा, कामको समयमा मात्र नभई आराम गर्दा पनि धेरै गल्तीहरू हुन सक्छ र राती अबेरसम्म बस्नु प्रमुख गल्तीहरू मध्ये एक हो। गर्भवती महिलाहरूलाई हरेक रात समयमै सुत्न सल्लाह दिइन्छ। राति अबेरसम्म बस्दा आमा र बच्चा दुवैको मानसिक र शारीरिक स्वास्थ्यमा असर पर्छ ।
चिसोमा राम्रो लुगा नलगाउनुः गर्मीमा मात्र होइन जाडोले पनि गर्भावस्थामा धेरै हानि पुर्याउँछ। चिसो मौसममा पनि उपयुक्त कपडा लगाउनु जरुरी हुन्छ र सकेसम्म चिसो मौसममा घरबाट बाहिर निस्कनु हुँदैन। अत्याधिक चिसोका कारण गर्भवती महिला बिरामी हुने जोखिममा हुन्छन्, जसले गर्भमा रहेको बच्चालाई पनि हानि पुर्याउन सक्छ।