काठमाडौँ :
फिल्म ‘अगस्त्य च्याप्टर १’का प्रमुख कलाकारहरूले आज सरस्वती पूजा र भ्यालेन्टाइन डे मनाएका छन् । पुल्चोक इन्जिनियरिङ क्याम्पसमा आयोजना गरिएको सरस्वती पूजा कार्यक्रममा उपस्थित भएर नाजिर हुसेन र मलिका महतले सरस्वती पूजा र भ्यालेन्टाइन डे मनाएका हुन् ।
![Gokarna Karki](https://parichaya.com/wp-content/uploads/2024/09/WhatsApp-Image-2024-09-05-at-9.36.07-AM.jpeg)
![](https://parichaya.com/wp-content/uploads/2024/09/8x10ft-media-scaled.jpg)
उक्त अवसरमा आगामी फागुनको १८ गतेबाट रिलिज हुन लागेको फिल्म ‘अगस्त्य च्याप्टर १’का बारेमा जानकारी दिँदै टिजर समेत प्रदर्शन गरिएको थियो । सरस्वती पूजा र भ्यालेन्टाइन डे विशेष कार्यक्रममा अगस्त्यको प्रमोसनका लागि पुगेका नाजिर, मलिका र बेन बस्नेतसँग फ्यानहरूले सेल्फी खिच्नुका साथै केही संवाद गरेका थिए ।
यस्तै, कलेजमा गएर उनीहरूले फ्यानलाई मात्र भेटेनन् उनीहरूले अगस्त्यको टिकट सम्म बाँडेका थिए । फिल्मको टिमले उक्त कार्यक्रममा स्थलमा स्टल पनि राखेको थियो । स्टलमा उपस्थित विद्यार्थीलाई फिल्म सम्बन्धित केही प्रश्न गरिएको थियो जाँहा सही जवाफ दिनेलाई फिल्मको टिकट र टिसट पनि बाँडिएको थियो ।