काठमाडौं :
दर्शक र समीक्षकले निकै नै मन पराएको फिल्म ‘चिसो मान्छे’ नेपाली ओटिटि प्ल्याटफर्म ‘भिडियोपसल’मा रिलिज भएको छ । शुक्रबार फिल्मलाई भिडियोपसलमार्फत रिलिज गरिएको हो। जुन अहिलेको लागी नेपाल बाहिरबाट मात्र हेर्ने व्यवस्था गरिएको निर्माण पक्षले जानकारी दिएको छ ।
यो फिल्म कोरोना महामारीको समयमा रिलिज भएको थियो । सबै हलमा दर्शक नपुगेको भन्दै निर्माण पक्षले नेपाली ओटीटीमा रिलिज गरेको हो। भिडियो पसलकी सह संस्थापक नेहा कार्कीका अनुसार यो फिल्म विदेशमा बस्ने दर्शक माझ नपुगेको हुनाले ओटीटीमा रिलिज गरिएको हो।
यो फिल्म सबै स्मार्ट डिभाइसमा भिडियोपसल एप डाउनलोड गरी हेर्न सकिने छ। भिडियो पसलमा २.९९ डलर देखी ५ .९९ डलरसम्म विभिन्न प्याकेज लिई गुणस्तरमा पनि चलचित्र हेर्न सकिन्छ । दीपेन्द्र के खनाल निर्देशित ‘चिसो मान्छे’मा अर्पण थापा,स्वस्तिमा खड्का,देशभक्त खनाल,आशान्त शर्मा, प्रभाकर न्यौपाने, रामबाबु रेग्मीलगायतका कलाकारले अभिनय गरेका छन्। शर्मिला पाण्डेले निर्माण गरेको फिल्ममा कर्णाली क्षेत्रको कथा समावेश गरिएको छ।