काठमाडौं :
शुक्रबार रिलिज भएको नेपाली क्राइम–थ्रिलर ‘अदृश्य’ले घरेलु बक्स अफिसमा कमजोर व्यापार गरेको छ । शनिबारसम्म यो फिल्मले ४५ हजार क्रस गरेको छ।
चलचित्र विकास बोर्डको बक्स अफिस तथ्यांकअनुसार ‘अदृश्य’को कमाइ ४५ हजार रुपैयाँ ग्रस छ । फिल्ममा प्रमोद अग्रहरि र रिस्ता बस्नेतको शीर्ष भूमिका रहेको छ।
शनिबारसम्म सरोज खनाल निर्देशित फिल्म ‘बगान’को कमाइ एक करोड ४३ लाख रुपैयाँ ग्रस छ । फिल्ममा निर्देशक सरोजसहित करिश्मा मानन्धर,बसुन्धरा भुसाल,प्रमिला कार्की लगायतको शीर्ष भूमिका रहेको छ। केहि हप्तादेखि यो फिल्म हलमा चलिरहेको छ ।
बलिउड फिल्म ‘रकी और रानीकी प्रेम कहानी’ र हलिउड फिल्महरु बार्बी र ओपेनहाइमरले नेपालमा उत्कृष्ट कमाइ गरेका छन् ।