काठमाडौं :
असोजको २४ गतेबाट प्रदर्शनमा आउन लागेको फिल्म ‘ज्वाइँ साब’को टिजर सार्वजनिक भएको छ। दसैंको फूलपातीको अवसर पारेर प्रदर्शनमा आउन लागेको यो फिल्मको पोस्टरपछि टिजर रिलिज भएको हो।
टिजरमा मुख्य कलाकार जितु नेपाल,नीति शाहका अलला हिमेश पन्त,बुद्दि तामाङ लगायतको मुख्य भूमिका रहेको छ।
कमेडी जनरामा निर्माण भएको यो फिल्ममा मिनादेवी खड्का, सौगात पण्डित र पदमलाल तामाङको लगानी रहेको फिल्ममा विजय बस्याल कार्यकारी निर्माता छन्। शंकर धितालको लेखन रहेको यो फिल्ममा सविन अधिकारीको कथा, श्याम तामाङको छायांकन, संजय थापाको एक्सन, अर्जुन पोखरेल र महेश ताम्रकारको संगीत छ ।
वसन्त निरौलाले निर्देशन गरेको फिल्ममा जितु नेपाल, नीति शाह, वुद्दि तामाङ, रमेश वुढाथोकी, शिशिर वाङ्देल, प्रकाश घिमिरे, निमा पाण्डे, हिमेश पन्त, शिवहरि वैरागी, राजेन्द्र नेपाली, कविता आले, शिवु पाण्डे, ईशान राउत लगायतका कलाकारहरुको अभिनय छ।यो फिल्मसँगै दीपकराज गिरी र दीपाश्री निरौलाले निर्माण गरेको फिल्म ‘छक्का पञ्जा ५’ पनि प्रदर्शनमा आउँदैछ।