काठमाडौं:
मुन प्रसाइ (जुनु)को स्वरमा ‘जिवन यो हाम्रो’ गीतको भिडियो सार्वजनिक भएको छ। हालै यो गीतको भिडियोलाई युटुब च्यानलमार्फत रिलिज गरिएको हो।
गीतमा डा. बिष्णु ईङनाम (लिम्बु) को शब्द रचना र भिषण मुकारुङको संगीत रहेको छ । उजाड योङहाङ लिम्बुको निर्देशन रहेको यस गीतको भिडियोको परिकल्पना रुबेन गजमेरको रहेको छ। सुनिल सुन्दासको छायांकन तथा सम्पादन रहेको यस गीतको भिडियोको लगानी तारा लिम्बु सोदेम्बा हुन्।
माया नपाएर कोही कसैले अकाल्मै आफ्नो ज्यान गुमाएका घट्नाहरु दिनानुदिन सामाजिक सञ्जालमा आईरहेका घटनालाई परिकल्पान गरि गीतको भाव प्रस्तुत गरिएको छ। सार्वजनिक भएको गीतको भिडियोमा गायिका आफैले अभिनय गरेकी छन् भने अभिनयमा कला शिवा र राम बहादुर बमजमले साथ दिएका छन्।