काठमाडौं :
गायिका कमला मगरले आफ्नो पहिलो गीती एल्बम ‘यो मेरो पिरती’ सार्वजनिक गरेकी छन्। यो गीतको भिडियोलाई कमला मगर अफिसियल युटुव च्यानलबाट सार्वजनिक गरिएको हो। यो गीतमा गायिका कमला मगर र गायक खेम सेन्चुरीको स्वर सुन्न सकिन्छ। यो गीतलाई रमेश परियारले लेखेका हुन् भने संगीत पनि रमेश परियारकै छ ।
‘यो मेरो पिरती’ गितलाई माया प्रेम र नेपाली मौलिकपनको प्रेमिल रुपमा प्रस्तुत गरिएको छ। गीतको भिडियोमा पुष्प खड्का र कबिता नेपालीले अभिनय गरेका छन् । भिडियोलाई मौसम हिमालीले कोरियोग्राफर तथा निर्देशन गरेका हुन् । यो गितको भिडियोलाई मनोज कार्कीले सम्पादन गरेका हुन् ।
गोरखा ४ आरुघाट गाउँपलिकामा २०५५ सालमा जन्मीएकी मगरले यस अघि थुप्रै कार्यक्रममा गीत गाएकी छिन् । तर पनि उनको यो नै पहिलो रेकर्ड भएको गीत हो । आफ्नो पहिलो गिति एल्बम भएकाले दर्शक स्रोतालाई सकरात्मक प्रतिकृया दिन उनले आग्रह गरेकी छन् ।