काठमाडौँ :
आर्यन सिग्देल र केकी अधिकारी अभिनीत नयाँ गीत सार्वजनिक भएको छ । शुक्रबार काठमाडौंको अनामगरमा एक कार्यक्रमकाबीच ‘तिमी छौ र मेरो मुटु चलेको’ गीतको भिडियो रिलिज गरिएको हो।
डा.कृष्णहरि बरालको शब्द, मञ्जिल राई र अनु चौधरीको स्वरमा गीतको भिडियो तयार पारिएको छ। मुन्दुम स्टुडियोले बनाएको गीतको भिडियोमा आर्यन र केकीको रोमान्स देखिन्छ । गीतमा रोमान्टिक स्वाद पस्कन खोजेको मञ्चिलले बताए ।
मञ्जिल राईको कम्पोज रहेको गीतमा बादल लिम्बूको एरेन्ज, चन्द्र चौधरीको मिक्सिङ÷मास्टरिङ, अनिल रानाको सम्पादन छ । हिमाल श्रेष्ठले खिचेको गीतको भिडियो निर्देशन बादल लिम्बूले गरेका हुन्।