काठमाडौं :
अभिनेता सौगात मल्ल,अभिनेत्री वर्षा राउतको मुख्य भूमिका रहेको फिल्म ‘लाखे’लाइृ भिडियो पसल एपमार्फत हेर्न सकिने भएको छ। निर्माण टिमले आइतबार फिल्मलाई एममार्फत हेर्न सकिने जानकारी दिएको हो।
फिल्मका निर्देशक सम्राट बस्नेतले फिल्मलाई हलमा हेर्न छुटाएका र हेर्न चाहानेका लागि नेपाल बाहिरका दर्शकलाई समेत हेर्ने व्यवस्था गरिएको बताए। सस्पेन्स थ्रीलर विधामा आधारित चलचित्रमा सौगात मल्ल,अनुप विक्रम शाही,अर्पण थापा,आर्यन अधिकारी,वर्षा राउत,रोहित रुम्बा,संजोग राणा,सुशील सिटौला, प्रशान्त ताम्राकार, रक्षा बुढाथोकी, कालु राना,सुगन तण्डुकार र बाल कलाकार सिस्टम भण्डारीको अभिनय रहेको छ ।
सबै स्मार्ट डिभाइसमा भिडियो पसल एप डाउनलोड गरी फिल्म हेर्न सकिन्छ । भिडियो पसलमा २ .९९ डलर देखी ५ .९९ डलरसम्म विभिन्न प्याकेज लिई ४क गुणस्तरमा पनि फिल्म हेर्न सकिन्छ । उपलब्ध फिल्महरू विदेशबाट एप्पल पे, गुगल पे, पेपल, डेबिट–क्रेडिट कार्डबाट पैसा तिरेर हेर्ने व्यवस्था गरिएको छ ।
२०१७ देखि सञ्चालनमा रहेको भिडियो पसलमा यसअघि नै ‘छक्का पन्जा ४’, ‘झिङ्गेदाउ’ ‘मन्त्र’ लगायतका फिल्महरू समेत रिलिज भइसकेका छन् । एपमा फिल्मसँगै सर्ट फिल्महरू पनि उपलब्ध छन् ।