काठमाडौं :
भारतीय टेलिभिजन रियालिटी शो ‘इण्डियन आइडल’को प्रतिस्पर्धाबाट नेपालकी मेनुका पौडेल बाहिरिएकी छन्। आइतबारको एपिसोडमा पौडेल आउट भएकी हुन्।
मेनुका आफैले आफु इण्डियन आइडलबाट आउट भएको जनाएकी छन्। उनले आफ्ना शुभचिन्तक तथा फ्यानहरुलाई आफ्नो अहिले आइडलको यात्रा टुङ्गिएता पनि सांगीतिक यात्रा सुरु भएको बताएकी छन्।
‘ मेरो इण्डियन आइडलको यात्रा यहीँ सकिएको छ,’उनले सामाजिक सञ्जालमा लेखेकी छन्,‘मेरो जीवनको सांगीतिक यात्रा भर्खर सुरु भएको छ ।’
आइडलको उत्कृष्ट १० मा छनोट हुन सफल भएकी मेनुकाले आफु अझै सक्रिय रुपमा गायनमा अगाडि बढ्ने जानकारी दिएकी छन्।
उनी लेख्छिन्,‘म सबैजनालाई आश्वस्त तुल्याउन चाहन्छु कि मैले पहिलेभन्दा अझै सक्रियरुपमा गायन र प्रस्तुतिमार्फत सबैलाई मनोरञ्जन दिन सक्नेछु ।’
उनले आफ्नो मन बुझाउनका लागि यो सुरुवातको बाटो भएको उल्लेख गरेकी छन्।
उनी थप्छिन्,‘यो मेरो सुरुवात हो, समाप्ती होइन’ उनले लेखेकी छन् ।