पोखरा /
तमु (गुरुङ) समुदायले मनाउने मोैलिक तथा सांस्कृतिक पर्व ट्होंटे पोखरामा धुमधामका साथ मनाइएको छ।
![Gokarna Karki](https://parichaya.com/wp-content/uploads/2024/09/WhatsApp-Image-2024-09-05-at-9.36.07-AM.jpeg)
हरेक वर्ष साउन र चैतको अन्तिम मंगलबार मनाउने यो पर्वलाई आज पोखरामा तमु धिं नेपालले विविध कार्यक्रमको आयोजना गरि मनायो ।
ट्होंटे पर्व बर्षमा उभोैली र उधोैली गरि दुईपटक मनाउने प्रचलन छ। गुरुङहरुको पहिचान स्थापित गर्न यो पर्व मनाउन लागिएको तमु धिं नेपालका अध्यक्ष हुमबहादुर गुरुङले बताए ।
परापूर्वकालमा तमु राज्यमा बसोबास गर्नेहरुले राज्यभित्र देखिएका बैरी वा शत्रुहरुलाई राज्यको सिमा कटाउदै ट्हो (क्षेत्र) को संरक्षण गरेको परम्परागत इतिहास भएको मानिन्छ ।
ट्होटेंको अवसरमा तमु धिँ नेपालले आज पोखरा फुलबारीबाट ट्होटें र्यालीसहित महेन्द्रपुल,, नयाँबजार हुदै तमु धिँ नेपालको कार्यालयमा पुगेर ट्होटें मूल समारोहमा परिणत भएको थियो ।
कार्यक्रममा पोखरामा रहेका विभिन्न गुरुङ समाज सहभागी भएको अध्यक्ष गुरुङले जानकारी दिए।
हेर्नुहोस् परिचय तस्बिरहरु :
![](https://parichaya.com/wp-content/uploads/2024/09/8x10ft-media-scaled.jpg)
सबै तस्बिरहरु: प्रेम थापा, परिचय