धनगढी/
सुदूरपश्चिम विश्वविद्यालयको केन्द्रीय परीक्षा नियन्त्रणको कार्यालयमा तोडफोड भएको छ । नेकपा एकीकृत समाजवादी पार्टी सम्बद्ध अनेरास्ववियूले परीक्षा नियन्त्रण कार्यालयमा शुुक्रबार तोडफोड गरेको हो ।
दिउँसो परीक्षा नियन्त्रक देवसिंह नाथ र सहायक परीक्षा नियन्त्रक वीरबहादुर सिंहको कार्यकक्षमा पुगेका नेता तथा विद्यार्थीले तोडफोड गरेको विश्वविद्यालयले जनाएको छ ।
परीक्षा नियन्त्रक देवसिंह नाथले १२–१५ जनाको समूहमा आएका समाजवादी सम्बद्ध अनेरास्ववियूका नेता तथा कार्यकर्ताले तोडफोड गरेको बताए । नाथकाअनुसार उनीहरुले आफूहरुले लगाएको ताला किन तोडेको भन्दै कार्यालयमा तोडफोड गरेका थिए ।