काठमाडौँ /
काठमाडौँलगायत देशभरका दश जिल्लामा बढी डेंगु सङ्क्रमित भेटिएका छन् ।
इपिडिमियोलोजी तथा रोग नियन्त्रण महाशाखा {ईडीसीडी}का अनुसार काठमाडौँमा १४१ जनामा डेंगु सङ्क्रमण देखिएको छ । यस्तै, झापामा ११२ जनामा, चितवन ७५ जना मकवानपुर ५९ जनालाई डेंगु सङ्क्रमण देखिएको छ ।
यस्तै, डेंगु सङ्क्रमण बढी देखिने जिल्लामध्ये डोटी, तनहुँ, सिन्धुपाल्चोक, ओखलढुङ्गा, रुपन्देही र भक्तपुर छन् । यी जिल्लामा क्रमशः ४७, ४६, ४४, ४१, २८ र २७ जनामा डेंगु सङ्क्रमण देखिएको छ ।
देशभरमा ७७ जिल्लामध्ये सबैभन्दा बढी डेंगु देखिएको १० जिल्लामा मात्रै ६२० जनामा डेंगु पुष्टि ईडीसीडीको तथ्याङ्कमा उल्लेख छ ।
देशभर दश जिल्लाबाहेक ६२ जिल्लामा ६२१ जनामा डेंगु पुष्टि भएको छ । यी सबै गरी देशभर १२ सय ४१ जिल्लामा डेंगी सङ्क्रमण देखिएको ईडीसीडीको तथ्याङ्क छ । जुम्ला, हुम्ला, मुगु, डोल्पा र मुस्ताङ गरी पाँच जिल्ला डेंगु सङ्क्रमणबाट सुरक्षित छ ।