काठमाडौ/
जाजरकोटकाे नलगाड नगरपालिका २ माझगाउँमा पहिरोमा परेर एकै परिवारका तीन जनाको ज्यान गएको छ ।
गएराति पहिरोले घर पुरिँदा ४२ वर्षीय लालबहादुर परियार, उहाँकी श्रीमती ३४ वर्षीया मनिषा परियार र छोरा २ वर्षीय शिभम परियारको ज्यान गएको जिल्ला प्रहरी कार्यालय जाजरकोटका प्रमुख एवम् प्रहरी नायव उपरीक्षक (डिएसपी) पुरुषोत्तम पाण्डेले जानकारी दिनुभयो ।
उहाँका अनुसार भूकम्पबाट घर भत्किएपछि बनाएको अस्थायी टहरामा सानो ढिस्को भत्किएर पुरिएको हो । घटनाबारे बिहान जानकारी पाएपछि गएको प्रहरीले शव निकालेको डिएसपी पाण्डेले बताउनुभयो ।