काठमाडौं :
हिन्दी भाषामा डब गरिएको नेपाली फिल्म ‘परस्त्री’ भारतको ओटीटी प्लेटफर्ममा रिलिज भएको छ । फिल्म हिन्दी भाषामा बिहीबार एमएक्स प्लेयरमार्फत रिलिज भएको हो। यो प्लेटफर्ममा हिन्दी फिल्म तथा सिरिजहरु निःशुल्क हेर्ने व्यवस्था रहेको छ । सोही बमोजिम भारतमा रिलिज भएको हो।
गत असारमा नेपाल र भारतका हलमा एकसाथ प्रदर्शनमा आएको ‘परस्त्री’ घरेलू बक्सअफिस असफल भएको थियो। फिल्मलाई सुरज पाण्डेले निर्देशन गरेका हुन्। उनको यो पहिलो निर्देशकिय फिल्म हो। यहि फिल्मबाट उनले राम्रो सम्भावना देखाएका छन् ।
शिल्पा मास्के, कोशिश क्षेत्री, गौरव विष्ट, अलिसा क्षेत्री, अशान्त शर्मा, रामबाबु रेग्मी लगायतको अभिनय रहेको फिल्ममा विवाहेत्तर सम्बन्धले निम्त्याउने पारिवारिक संकटको कथामा पेश गरिएको छ। शर्मिला पाण्डेको निर्माण र दीपेन्द्र के. खनालको लेखनमा निर्माण भएको फिल्ममा छायांकन निरज कँडेलको छ।