काठमाडौं :
कुनै पनि लोक तथा दोहोरी गीत सार्वजनिक हुनुपुर्व टिकटकमा भाइरल कमै कलाकारको हुने गर्दछ । तर स्थायी घर नुवाकोट र हाल प्रवासमा रहेका लोकप्रिय गायक तथा सर्जक दिनेश श्रेष्ठका गीतहरु भने हरेक समय टिकटकमा भाइरल हुने गरेका छन्।
जसको कारण पुरै गीत सुन्न र हेर्नमा दर्शक श्रोताहरुलाई आतुर हुन्छन्। यसैलाई मध्यनजर गर्दै दिनेशले आफ्नो गीतलाई पूर्णता दिंदै ‘ए परदेशी भाग २’ नामक गीत रिलिज गरेका छन्। जुन चर्चामा रहेको छ।
प्रस्तुत गीतमा प्रस्तुतकर्ता दिनेशको नै लय शब्द रहेको छ भने स्वर दिनेश श्रेष्ठ र सरिता थापा मगरको सुन्न सकिन्छ । निकै मर्मस्पर्सी भाव र संगीतमा तयार भएको गीतको म्युजिक भिडियोमा अनु शाह, अरुण सापकोटा, जयराम सापकोटा र अन्जु पण्डितको आकर्षक अभिनय गरेका छन्।
प्रविन थापाले निर्देशन गरेका गीतलाई बिरेन्द्र भट्टले खिचेका छन् भने सम्पादन अमृत चापागाईंले गरेका छन् । गीतको अडियो तथा भिडियोलाई दिनेश श्रेष्ठ युट्युब च्यानल मार्फत सार्बजनिक गरिएको छ ।