काठमाडौं :
यति बेला साउथ सुपरस्टार प्रभासको फिल्म ‘सालार पार्ट १ – सीजफायर’ रिलिजसँगै बक्स अफिसमा राम्रो कमाई गरिरहेको छ। यो फिल्मले सन् २०२३ को सबैभन्दा ठूलो ओपनिङ पाएको फिल्म हो। त्यसैले यो फिल्मको कमाई भारतमा मात्र नभएर विश्वभर राम्रो कलेक्सन गरिरहेको भारतिय मिडियाले जनाएका छन्।
फिल्मको प्रदर्शन भएको दश दिन भइसकेको अवस्थामा अहिलेसम्म धेरै कमाई गरेको हो। यो फिल्मले पहिलो दिन नै ९०.७ करोडको दमदार कमाई गरेको थियो। फिल्म प्रदर्शनको दशौँ दिन अर्थात हिजो आइतवारसम्म फिल्मले १०.९६ करोड रुपैयाँ कमाएको छ । यससँगै भारतीय बजारमा सालारको १० दिनको कुल कमाई ३४१.१३ करोड रुपैयाँ पुगेको हो। त्यस कारण यो फिल्मको बक्स अफिस धमाका अझै कायम रहेको छ ।
यता शाहरुखको खानको डंकीले ११ औं दिनमा सैकनिल्कको रिपोर्ट अनुसार भारतमा ९.५ करोड भारु मात्र कलेक्सन गरेको छ । भारतिय मिडियाका अनुसार डंकीले रिलिजको ११ औं दिन अर्थात आइतवारसम्म भारतमा १८५.७२ करोड कमाइ गरेको हो। फिल्म ‘सालार’मा प्रभासका अलवा श्रुति हासन,पृथ्वीराज सुकुमारन, जगपति बाबु रेड्डी, टिनु देसाई लगायतका कलाकारको अभिनय गरेको छन्। यो फिल्ममा प्रभास र श्रृतिको जोडीलाई दर्शकले मन पराएका छन्।