काठमाडौँ :
राजु गिरीको निर्देशनमा बन्न लागेको फिल्म हो ‘ईश्वर’मा मुख्य कलाकारको रूपमा शिशिर वाग्देल अनुबन्धित भएका छन् । मंगलबार उनलाई निर्देशक गिरीले फिल्मको मुख्य कलाकारको रूपमा अनुबन्धित गरेका हुन् ।
यस अघि फिल्ममा सबिन बास्तोला अनुबन्धित भएका थिए। दिव्या कंगना फिल्मस्को प्रस्तुतिमा बन्ने फिल्मको पटकथा एवं संवाद भोजराज देवकोटाको रहने छ भने लगानी हरिबहादुर थापा र शंकर गिरीको छ।
फिल्ममा राजेन्द्र बजगाईं र बीपी वाग्लेको संगीत र देव महर्जनको द्वन्द्व रहने निर्माण पक्षले जानकारी दिएको छ। आगामी माघको २८ गतेबाट फिल्म फ्लोरमा जाने तयारीमा रहेको निर्देशक गिरीले जानकारी दिएका छन्।