काठमाडौं :
बाल मनोविज्ञानमा आधारित फिल्म ‘रोल नं १’ निर्माण हुने भएको छ। सेभेन सिज सिनेमाको प्रस्तुति रहने फिल्मको फस्टलुक पनि सार्वजनिक भएको छ। निर्माण टिमले फिल्मको फस्टलुक सार्वजनिक गर्दै निर्माणको घोषणा गरिएको हो। यस फिल्मलाई जोन योञ्जनले निर्देशन तथा कथा लेख्नेछन्।
फस्टलुकमा कक्षाकोठामा लास्ट बेन्चबाट एक बालक हात उठाएर आफ्नो उपस्थिति जनाइरहेको देखाइएको छ। उसको पृष्ठभूमिमा निलो सर्ट लगाएका विद्यार्थी र उनीहरूलाई पढाई रहेकी एक शिक्षिका देख्न सकिन्छ।
महेश दवाडीले पटकथा तथा संवाद लेखेका छन् भने यस फिल्ममा प्रशान्त शिवाकोटीको सङ्गीत रहनेछ। कलाकार को को रहनेछन् भन्ने बारेमा भने निर्माण टिमले खुलाएको छैन्।