काठमाडौं :
सविन कुमार तोलाङ्गीको निर्देशनमा तयार पारिएको ‘पिरतीले सल्काइदेउ’ बोलको गीतको म्युजिक भिडियो सार्वजनिक भएको छ। सार्वजनिक गीतमा कृष्ण भटराई र नितु पौडेलको आवाज रहेको छ। रोमान्टिक गीतमा लोक राईको शब्द तथा बाबुल गिरीको संगीत र एरेन्ज रहेको छ।
सार्वजनिक गीतको भिडियोमा साया भण्डारी,अनुराग थपलिया, प्रिन्स युवराज कार्की र रानु कार्कीको अभिनय देख्न सकिन्छ। भिडियोमा करण सिंह चैसिरको छायांकन,सन्देश वि।कको कोरियोग्राफी,पदम सुवेदीको सम्पादन रहेको छ। प्रिन्स युवराज कार्की निर्माता र अभिनेता रहेको फिल्म तेलभिसा यहि मङ्सिर ७ गतेबाट प्रदर्शनमा आउने तयारीमा रहेको छ।
भिडियोको कार्यकारी निर्माता शिवराज कार्की छन्, भने प्रिन्स युवराज कार्की र रानु कार्की निर्माता रहेका छन् । कमल प्रसाद शर्माको निर्माण संयोजन रहेको म्युजिक भिडियोमा भुवन श्रेष्ठ व्यवस्थापकमा रहेका छन् । भिडियो तपस्या युट्युब च्यानल मार्फत सार्वजनिक गरिएको छ।