शेयर बजार आज सामान्य घटेको छ । आज शेयर बजार परिसूचक नेप्से पाँच दशमदव १७ अङ्कले घटेर २५६६.१६ विन्दुमा झरेको हो । हिजो नेप्से ६२.२९ अङ्कले बढेको थियो ।
आज अन्य समूहको शेयर एक प्रतिशत भन्दा धेरैले ओरालो लागेको छ । बजार घटे पनि होटल तथा पर्यटन, जलविद्युत्, लघुवित्त र व्यापार समूहको शेयर भने बढेको छ । आज खानीखोला जलविद्युत् आयोजनाको शेयर १० प्रतिशत बढेर सकरात्मक सर्किट लाग्यो ।
बजार घटे पनि आज कारोबार रकम भने बढेको छ । हिजो चार अर्ब ५७ करोड रुपैयाँको कारोबार भएकोमा आज तीन सय २१ वटा कम्पनीका एक करोड १५ लाख कित्ता शेयर पाँच अर्ब ४५ करोड ९७ लाख रुपैयाँमा किनबेच भएको छ ।