काठमाडौं :
अभिनेत्री शिल्पा पोखरेल फिल्ममा सक्रिय छैनन्। उनी म्युजिक भिडियोमा भने धमाधम काम गरिहेकी छन्। तर,उनको चर्चा छैन। गुमनाम जस्तै छिन् शिल्पा। केहि वर्ष अघि व्यक्तिगत जीवनमा आएको उतार–चढावले शिल्पा फिल्म नगरीबाट टाढा बसेकी छन्। उनको पछिल्लो फिल्म फिल्म ‘भिलेन’पछि अर्को फिल्ममा काम गर्न सकेकी छैनन्।
जुन सन् २०१९ मा रिलिज भएको यो फिल्ममा काम गरेपछि अर्को फिल्मका लागि उनलाई अफर गरिएको छैन। उनी आफै निर्माता समेत भएता पनि उनलाई जीवनको उतार – चढावले काम गर्न सकिरहेकी थिइन्। त्यसले गर्दा पनि होला उनले फिल्म निर्माणमा हात हाल्न सकेकी छैनन्। बरु उनी धमाधम म्युजिक भिडियोमा भने काम गरिरहेकी छन्।
अब फिल्ममा उनको कहिले कमब्याक होला त दर्शकले प्रश्न गरिरहेका छन्। एक्सन अभिनेत्रीको रुपमा आफुलाई स्थापित गरेकी शिल्पा म्युजिक भिडियो मात्रै खेल्ने हुन् कि अब फिल्ममा पनि आउने हो?त्यो भने शिल्पालाई नै थाहा होला, हैन र?