काठमाडौँ :
लोकप्रिय गायक हिमाल सागर र गायिका अन्नु चौधरीको स्वरमा नयाँ गीत ‘यहि त होनी माया’ सार्वजनिक भएको छ। यो गीतलाई यसअघिको चर्चित गीत ‘ए होर माया’को तेस्रो सिरिजको रुपमा लिइएको छ । गीतमा शब्द र संगीत भने बिमल अधिकारीको रहेको छ भने निर्माता र मोडल पनि बिमल नै हुन् । गीत बिमलको भावना म्युजिक सोलुसनबाट निर्माण गरिएको हो ।
गीतको भिडियोमा बिमलसँगै अभिनेत्री गरिमा शर्मालाई देख्न सकिन्छ। भिडियो लुम्बिनीसँगै बिभिन्न रमणीय स्थानमा खिचिएको छ । मौसम हिमालीको निर्देशन रहेको भिडिओ राजेश घिमिरेले खिचेका हुन् भने बिकाश ज्ञवालीले सम्पादन गरेका हुन् ।
गीतमा सर्जक तथा निर्माता बिमले यसपटक पनि गीतको अडियो अनुसार कुनैपनि कुरामा कमि नगरी भिडिओ निर्माण गरेको बताउँछन् । ‘हामीलाई यसअघिका ‘ए होर माया’को दुईवटा सिरिजलाई निकै मन पराइदिनुभयो । यसपटक पनि दर्शकले साथ दिनुहुनेछ भन्ने विश्वास छु’, बिमलले भने,‘सार्वजनिक भएसँगै निकै राम्रो प्रतिक्रिया पाइरहेकोछु।’
यसअघिको ‘ए होर मायालाई युट्युवमा २७ मिलियनपटक हेरिएको छ भने आहा मायालाई पनि ८ मिलियन भन्दा बढी पटक हेरिएको छ ।