पोखरा /
पोखरा महानगरपालिकाले महनगरभित्रको फोहोर लामेआहालमा रहेको अस्थायी ल्यान्डफिलमै फालेको छ ।
स्थानीयले अवरोध गरेपछि १२ दिनदेखि नउठेको फोहोर मंगलबारदेखि उठाएर लामेआहाल पु¥याएको थियो । बिहानैबाट फोहोर ल्यान्डफिल पुगेका ३० गाडी फोहोर लामेआहालमा विर्सजन गरिएको हो ।
जिल्ला सुरक्षा समितिको बैठकले लामेआहालमै फोहोर फाल्ने निर्णय गरेको थियो । स्थानीयले अवरोध गर्नसक्ने अवस्थालाई ध्यानमा राखेर सुरक्षाकर्मी परिचालन गरिएपनि विना अवरोध फोहोर विसर्जन भइरहेको महानगरपालिकाले जनाएको छ ।
पोखरा महानगरले पोखरा ३२, लामेआहालमा भएको अस्थायी ल्यान्डफिल साइट बनाएर फोहोर व्यवस्थापन गर्दै आएको छ । महानगरले यसअघि पोखरा १४, बच्छीबडुवामा फोहोर फाल्दै आएको थियो ।
तर, पोखरा अन्तर्राष्ट्रिय विमानस्थल सञ्चालनमा आउने भएसँगै लामेआहालमा अस्थायी ल्यान्डफिल साइट तोकेर ६ महिनाअघिबाट फोहोर फाल्न सुरु गरिएको हो ।