पोखरा /
पोखराको सेती नदीमा बन्ने ‘सिग्नेचर’ पुलको शिलान्यास गरिएको छ। पृथ्वी राजमार्ग अन्तर्गत पर्ने उक्त पुलको शनिबार एक कार्यक्रमकाबीच भौतिक पूर्वाधार तथा यातायात मन्त्री प्रकाश ज्वालाले गरेका हुन् ।
शिलान्यास कार्यक्रममा बोल्दै भौतिक पूर्वाधार तथा यातायात मन्त्री ज्वालाले पुल निर्माण भए पछि पर्यटकिय नगरी पोखराको यातायात प्रणालीमा सुधार हुने अपेक्षा ब्यक्त गरेका छन् । मन्त्री ज्वालाले विकास निर्माणका काममा समयमा सम्पन्न नहुने समस्यालाई ध्यान दिदै समयमै पुल निर्माण सम्पन्न गर्न निर्माण कम्पनीलाई निर्देशन समेत दिए ।
यस्तै कार्यक्रममा बोल्दै पोखरा महानगरका प्रमुख धनराज आचार्यले समयमा पुलको निर्माण सम्पन्न गर्न स्थानीय सरकारको तर्फबाट गर्नुपर्ने सम्पूर्ण सहयोग गरिने प्रतिवद्धता जनाए ।
एसियाली विकास बैंकको आर्थिक सहयोगमा राजमार्ग स्तरोन्नतीको काम दुइ खण्डमा विभाजन गरेर निर्माण भइरहेको छ । राजमार्ग स्तरोन्नीको काम भने निकै सुस्त गतिमा भइरहेको छ ।
सेती नदीमा अहिले रहेको पुलको दायाँ बायाँ दुइ-दुइ लेनका दुइ वटा पुल बन्ने सडक विभागका महानिर्देशक सुशीलबाबु ढकालले बताए । राजमार्ग ६ लेनमा विस्तार हुदै छ सोही अनुसार सेती नदीमा पनि छ लेनको पुल बन्ने महानिर्देशक ढकालले जानकारी दिए ।
शिलान्यास कार्यक्रममा निर्माण कम्पनी रसुवा कन्स्ट्रक्सनका साइट इन्जिनियर सुदर्शन देवकोटाले तोकिएको समय भित्र पुल निर्माण सम्पन्न गर्ने प्रतिवद्धता गरे । ‘केबल–स्टेड’ प्रविधिका दुवै पुलको लम्बाई १९०/१९० मिटर रहने छ ।
२०७९ साउनमा ठेक्का सम्झौता भए पनि डिजाइन स्वीकृत गर्न र निर्माणस्थल क्लियर नहुदा ढिलो गरी काम सुरु भएको देवकोटाले बताए । निर्माणको सम्झौता अवधि तीन वर्षको रहेको छ । पुलको लागत भ्याट र पएिससहित १ अर्ब ७२ करोड रहेको छ ।
एसियाली विकास बैंकको आर्थिक सहयोगमा राजमार्ग स्तरोन्नतीको काम दुइ खण्डमा विभाजन गरेर निर्माण भइरहेको छ । राजमार्ग स्तरोन्नीको काम भने निकै सुस्त गतिमा भइरहेको छ ।