पोखरा /
‘जारी’ र ‘कबड्डी’जस्ता ब्लकबस्टर फिल्म निर्माता कम्पनी ‘बाँसुरी फिल्म्स’ले आफ्नो फिल्म ‘दयारानी’को रिलिज डेटलाई मध्यनजर गर्दै लिरिकल म्युजिक भिडियो सार्वजनिक गरेको छ।
चोरी-चोरी नामको भिडियोलाई ‘बाँसुरी फिल्म्स’को युटुव च्यानल मार्फत सार्वजनिक गरिएको हो। भिडियोमा दयाहाङ राई र दीया पुनलाई शीर्ष भूमिकामा देखाइएको छ। लिरिकल भिडियोमा दया र दीयाको प्रेम-कहानी र मायावी कुराहरु देख्न्न सकिन्छ।
भिडियोमा दयाहाङ राई र दीया पुनलाई शीर्ष भूमिकामा देखाइएको छ। लिरिकल भिडियोमा दया र दीयाको प्रेम-कहानी र मायावी कुराहरु देख्न्न सकिन्छ।
‘दयारानी’ आगामी माघ २६ गते रिलिज हुँदैछ। दयाहाङ राई र दीया पुनको शीर्ष भूमिका रहेको यो फिल्म, चर्चित कलाकार माओत्से गुरुङको नेपाली फिल्ममा डेब्यु निर्देशकीय प्रोजेक्ट हो।
यस्तै ‘दयारानी’लाई ठूला अन्तर्राष्ट्रिय बजारमा प्रदर्शन गर्ने भएको छ । निर्माता रामबाबु गुरुङ र वितरण कम्पनी सेभेन सिजका प्रतिनिधिबीच यसबारे सहमति भएको छ ।
सहमति अनुसार सेभेन सिजले घरेलु फिल्मका ठूला बजारहरु उत्तर अमेरिका, अष्ट्रेलिया र मध्यपूर्वमा फिल्म रिलिज गर्नेछ । त्यसपछिका बाँकी बजारमा द्विपक्षीय सहमतिअनुसार प्रदर्शनको तयारी छ ।
यसपछि माओत्से अर्को एक फिल्मको तयारीमा छन्, जसलाई उनी स्वयंले निर्देशन गर्ने भएका छन् । बाँसुरी फिल्म्सको कुरा गर्दा ‘डिग्री माइला’को दोस्रो चरणको छायांकन बाँकी छ ।
हेर्नुहोस् भिडियो :