पोखरा /
अन्तर्राष्ट्रिय ब्रान्डका पर्फ्युम किन्न कि अनलाइन सपिङको भर पर्नुपर्ने कि काठमाडौं या विदेशै जाँदा किन्नुपर्ने पोखरेलीको बाध्यता अब रहेन । ब्रान्डेड र गुणस्तरीय पर्फ्युमका पारखीहरुलाई लक्ष्य गरी ‘इना सेन्टर’ले आफ्नो पाँचौं आउटलेट पोखरा सभागृहचोकको मिडटाउनमा खोलेको छ ।
![Gokarna Karki](https://parichaya.com/wp-content/uploads/2024/09/WhatsApp-Image-2024-09-05-at-9.36.07-AM.jpeg)
अन्तरार्ष्ट्रिय ब्रान्डेड पर्फ्युमको व्यवसाय गर्दै आएको इना सेन्टरका काठमाडौंमा सिभिल मल, बबरमहल रिभिजिटेड, धर्मपथ र दरबार मल गरी ४ वटा आउटलेट सञ्चालनमा छन् । पोखराको पाँचौं आउटलेट हो। बिहान ११ बजेदेखि साँझ साढे ७ बजेसम्म सेन्टर खुला रहने भएको छ ।
![](https://parichaya.com/wp-content/uploads/2024/09/8x10ft-media-scaled.jpg)
सेन्टरमा क्लिभ क्रिस्टियन, लिक्विड्स इमेजिनरिज, निसेन, टिजियाना, एसेन्सियल, भिक्यान्टोलगायत पर्फ्युमहरू उपलब्ध रहेको इना सेन्टरका प्रबन्ध निर्देशक उद्धव बर्तौलाले जानकारी दिए । पोखरामा पनि ब्रान्डेड पर्फ्युमका पारखीहरु रहेको हुँदा उनीहरुको सेवाका लागि आफू यहाँ आएको उनले बताए । ‘कतिपयले अनलाइनबाटै अर्डर गर्नुहुन्थ्यो, कतिपय काठमाडौं नै पुगेर पनि किन्नुहुन्थ्यो,’ उनले भने, ‘अब पोखरेली ग्राहक भएकै ठाउँमा हामी आएका छौं ।’ पोखराको आउटलेटमा अहिले २ हजारदेखि ५० हजारसम्मका पर्फ्युम उपलब्ध गराइएको छ ।
काठमाडौं बाहिर पोखरासँगै धरान, इटहरी र चितवन लगायत सहरमा पनि इना सेन्टरकोे आफ्नै आउटलेट खोल्ने योजना रहेको बर्तौलाले सुनाए ।
इना सेन्टर पोखरा आउटलेटको नेपाली फिल्मकी कलाकार वर्षा राउत, युवा उद्यमी वैभव पौडेल र वरिष्ठ पत्रकार रामकृष्ण ज्ञवालीले शनिबार संयुक्त रुपमा उद्घाटन गरेका थिए । कलाकार राउतले आफू पनि पर्फ्युमको पारखी रहेको बताउँदै इना सेन्टरबाटै किनमेल गर्दै आएको सुनाइन् ।
उद्यमी पौडेलले अनलाइनबाटै भए पनि इना सेन्टरबाट आफू र आफ्नो परिवारले पर्फ्युम किनमेल गर्दै आएको स्मरण गरे । ‘पर्फ्युम चाहिँदा काठमाडौं वा अनलाइनको भर पर्नुपरेन, पोखरामै आउटलेट हुँदा सजिलो हुने भयो,’ उनले भने, ‘अब त तुरुन्तै चाहिँदा पनि किन्न सकिने भयो ।’