पोखरा /
अनमोल केसी र जसिता गुरुङ स्टारर फिल्म फर्की फर्कीको ‘अन्तिम माया’ बोलको गीत सार्वजनिक भएको छ ।
नरेन लिम्बुको करिब एक दशक अगाडिको हिट नम्बरुलाई पुनः रेकर्ड गरि फर्की फर्की टिमले यो गीतलाई फिल्ममा समावेश गरेको हो । पछिल्लोपटक रेकर्ड भएको गीतलाई नरेनले नै गाएका छन् ।
सार्वजनिक गीतको भिडियोमा फिल्मका मूख्य अभिनेता अनमोल केसी र अभिनेत्री जसिता गुरुङ फिचर्डु छन् । कुनै बेला युवापुस्तामाझ सर्वाधिक हिट रहेको गीतलाई पुनः रेकर्ड गरेर फिल्ममा समावेश गर्दा पछिल्लो पुस्ताले पनि यो गीतलाई रुचाउनेमा फिल्मको निर्माण यूनिट आशाबादी देखिएको छ ।
फिल्मको सिचुएशनुसँग मिल्दो भएका कारण यो गीतलाई फिल्ममा समावेश गरेको फिल्म निर्माण कम्पनी रोहित अधिकारी फिल्म्सले जनाएको छ । सार्वजनिक गीतका भिडियोमा अनमोल र जसिताबीचको सम्बन्ध र प्रेममा आएको दरारलाई देखाउन खोजिएको छ ।
फर्की फर्कीको पछिल्लो सार्वजनिक गीत अन्तिम मायालाई नरेन लिम्बुले नै लेख्नुका साथै कम्पोज गरेका हुन् । ट्रेलर र गीतहरुमार्फत दर्शकमाझ हाइप बनाएको फिल्म फर्की फर्की आगामी जेठ १० गतेदेखि देशव्यापी प्रदर्शन हुँदैछ ।
हेर्नुहोस् भिडियो :