पोखरा,
“गावो विश्वस्य मातरः” अर्थात् “गाई विश्वकै आमा हुन” भन्ने कथन सहित पोखरा गौशाला(गौ आश्रम) ले पञ्चदिवशीय गाईपुजा महोत्सव–२०८२ आयोजना गर्ने भएको छ । हिन्दु धर्मअनुसार गाईलाई माता लक्ष्मीको रुपमा पुजन हुँदै आएकोमा पछिल्लो समय गाई सडकमा वेवारिसे अवस्थामा छोडिने गरेकोले तिनको संरक्षणमा सबैको चासो पुगोस भन्ने उदेश्यले आउँदो कार्तिक २ देखि ६ गते सम्म गाईपुजा महोत्सव आयोजना गर्न लागिएको हो ।
तिहारको बेला गरिने गाईपुजालाई लक्षित गर्दै आस्थावान तिर्थालुको लागि ५ दिन नै गाईपुजाको व्यवस्था मिलाइएको आयोजक पोखरा गौशाला परिवारले जानकारी दिएको छ । उक्त अवसमा ईच्छुक श्रद्धालु भक्तजनले गाईको लागि अत्यावस्यक हुने चोकर, दाना, पराल आदी सहयोग गर्नुको साथै संस्थाको साधारण,आजिवन,मानार्थ, अक्षयकोषदाता तथा संरक्षक सदस्य बन्न सकिनेछ ।
“म एउटा गाई पाल्छु” भन्ने अवधाराण सहित संचालनमा रहेको पोखरा गौशालाले विगत ८ वर्षदेखि बाटोमा छाडा छोडिएका स्थानीय प्रजातिका १ सय ११ गाईहरुको संरक्षण गर्दै आएको छ । गाई धार्मिक दृष्टिकोणबाट मात्र नभै गाईको दुधबाट विभिन्न शारिरिक तथा मानसिक समस्याको निराकरण गर्न सकिने हुनाले गाईको संरक्षण र सम्वद्र्धनमा लाग्न गौशालाले आग्रह समेत गरेको छ ।
