काठमाडौं :
यसवर्षको प्रतीक्षित फिल्म ‘छक्कापञ्जा ५’को पहिलो गीत ‘बिहे भाको छैन’ले १८ लाख भन्दा बढि दर्शकको साथ पाएको छ। गीत सार्वजनिक भएको ३ दिनमा १८ लाख ८६ हजार भन्दा बढि भ्युज पाउन सफल भएको हो।
यो समाचार तयार पार्दासम्म १८ लाख ८६ हजार ६ सय ५८ भ्युज रहेको छ भने ४१ हजारले लाइक गरेका छन्। साथै २१ सय ३ जनाले यो समाचार तयार पार्दासम्ममा आफ्नो प्रतिक्रिया दिएका छन्। जसमा अधिकांशले फिल्मको फिल्मलाई मन पराएको उल्लेख गरेका छन्।
दीपक शर्माद्वारा संगीतबद्ध डान्सिङ ट्रयाकमा सविन सुवेदी र बेनिशा पौडेलको स्वर समावेश गरिएको छ ।
बेनिशा पछिल्लो समय हिट गायिकाको रुपमा चर्चाछिन्। गीतको भिडियोमा फिल्मका दुई शीर्ष कलाकार दीपकराज गिरी र वर्षा सिवाकोटीले नाचेका छन्।गीतको भावमा विवाहका लागि केटाले केटीलाई फकाउन गरेको प्रयत्नको भावलाई प्रस्तुत गरिएको छ। मौलिक र टच्ची शब्दको प्रयोग गरिएको यस गीतको भिडियोलाई सुनिल क्षेत्रीले नचाएका हुन्। उनले कलाकार र गीतको मुडअनुसार भिन्न सेट र कथानुसारको कम्पोज गरेकोले पनि गीत राम्रो बनेको देखिन्छ।
दसैं फूलपातिको छेकोमा अर्थात असोज २४ गतेबाट रिलिज हुने यस फिल्मलाई दीपाश्री निरौला निर्देशन गरेकी हुन्। फिल्म आमा सरस्वती मूभिज र आइएमइको ब्यानरमा निर्माण भएको हो । माग्ने बुढा र निर्मल शर्मा कार्यकारी निर्माताको रुपमा छन्।