काठमाडौँ/
नेपाल प्रहरीको जनपद समूहतर्फ डीएसपीमा बढुवा भएका ७५ जनालाई दर्ज्यानी चिन्ह प्रदान गरिएको छ । आइतबार प्रहरी प्रधान कार्यालयमा आयोजित समारोहमा आईजीपी वसन्त कुँवरले नवनियुक्त प्रहरी नायव उपरीक्षकहरूलाई फुली लगाइदिएका हुन् ।
माघ २५ मा बढुवा समितिले गरेको सिफारिस अनुसार गृह मन्त्रालयले उनीहरूको बढुवा गर्ने निर्णय गरेको थियो ।
बढुवा हुनेहरूमा २०७० मा इन्स्पेक्टरमा भर्ना भएका अधिकृतहरू छन् । आफ्नो ब्याचमेटहरुमध्ये उनीहरू तेस्रो लटमा बढुवा भएका हुन् ।