काठमाडौं :
लक्ष्मण सुवेदीको लेखन तथा निर्देशनमा निर्माण भएको फिल्म ‘सतीदेवी’को प्रदर्शन मिति घोषणा भएको छ। निर्माण टिमले सोमबार वितरक कम्पनीसँग कागजी सम्झौता गर्दै आगामी साउन ४ गतेलाई फिल्मको प्रदर्शन मिति तोकेको हो। उनी यो मितिमा अहिलेसम्म उक्लै प्रदर्शनमा आउन लागेको हो। किनभने यो मितिमा अरु फिल्मले प्रदर्शन मिति तोकेका छैनन्।
दुई दशकदेखि रंग पत्रकारिता गर्दै फिल्म लेखन तथा निर्देशनमा होमिएका निर्देशक सुबेदीको यो तेस्रो फिल्म हो। यस फिल्मको पोस्टरमा अभिनेत्री मलिका महत जुत्ताको माला र कालो मोसो दलेको अवस्थामा चित्रित गरिएको छ। म्हिला हिंसामा आधारित निर्माण भएको यस फिल्मले विभिन्न फेस्टिभलहरुमा महत्त्वपूर्ण विधामा अवार्ड समेत हात पारिसकेको छ।
फिल्ममा मलिकासहित रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी, सृजना अधिकारी, मनिषा सापकोटा, सुजिता सिवाकोटी, तुलसी श्रेष्ठ लगायतको अभिनय छ। दिलासा र साराको प्रस्तुति रहेको फिल्मको निर्माता श्रीदेवी, दिलासा र सारा सुवेदी हुन् ।
दिलाशा क्रियसन तथा गोल्डेन स्टेट मुभी मेकर्स एलएलसी क्यालिफोर्नियाको सहकार्यमा निर्माण भएको फिल्ममा निर्देशक सुवेदी स्वयंको लेखन छ भने बाबु श्रेष्ठले छायांकन, दीपक शर्मा र सुवास भुसालको संगीत तथा रामजी लामिछानेको कोरियोग्राफी छ । यस फिल्मलाई काठमाडौं उपत्यकामा रिच इन्टरटेन्टमेन्ट र उपत्यकाबाहिर एफडी कम्पनीले वितरण गर्नेछ।