काठमाडौं :
दृष्टि बिहिन गायिका मेनुका पौडेलले अब आँखा देख्ने भएकी छन्। भारतिय गायक रियालिटी शो ‘इन्डियन आइडल १४’को उत्कृष्ट १०मा पुगेकी मेनुकाको आँखा जाँच गरिएको छ।
रियालिटी शोका आयोजक र भारतको एक आँखा अस्पतालले उनको आँखाको जाँच गर्दा उनले अब एक्लै हिंड्न, मान्छे चिन्न र सजिलैसँग पढ्न सक्ने जनाएका छन्। शोको पछिल्लो एपिसोडमा उनको बारेमा जानकारी दिइएको थियो।
जसमा निर्माण टिमले मेनुकालाई चिकित्सककोमा उपचारका लागि पुर्याएको जानकारी दिइएको छ। केहि फुटेजहरु समेत बजाएपछि आयोजकप्रति मेनुकाले आभार व्यक्त गरेकी छन्। चिकित्सकका अनुसार मेनुकाले आँखामा भिजन आउने सम्भावना नभए पनि विशेष डिभाइसको सहारा सबै काम गर्न सक्नेछिन्।