काठमाडौं :
गायिका नीता आचार्यको नयाँ गीत ‘चुप चाप’लिएर स्रोतामाझ आएकी छन्। विश्व साइकल यात्री पुस्कर शाहको शब्द, शंकर थापा ‘स्माइल’को संगीतमा उक्त गीत लिएर आएकी हुन् । गीतलाई विश्व अधिकारीले एरेञ्ज गरेका छन् भने कुमार केसीले मिक्सिङ÷माष्टरिङ गरेक छन्।
किरण श्रेष्ठले निर्देशन गरेको गीतको भिडियोमा अभिनेत्री शर्मिला मल्ल र पुस्कर शाहलाई फिचरिङ गरिएको छ । प्रताप सिंहको छायांकन रहेको भिडियोमा बुद्धि तामाङको शृंगार रहेको छ । गीतको भिडियो निता आचार्यको अफिसियल युट्युब च्यानलमार्फत सार्वजनिक गरिएको हो ।
गायिका आचार्यले गीतबारे चर्चा गर्दै भनिन्,‘हामी सबैको मिहिनेतले एउटा राम्रो गीत र यसको भिडियो श्रोता÷दर्शकमाझ पस्किएका छौं । आशा छ सबैले मन पराइदिनुहुनेछ। गीत जति राम्रो छ गीतको भिडियो पनि त्यतिकै उत्कृष्ट बनेको देख्न सकिन्छ। गयिका आचार्यले यस अघि ‘जिन्दगी, सँगै जिउने हो भए साथमा नभए यादमा, झिमझिम परेली, गरिदेउ बिदा, मनको धोको’ जस्ता थुप्रै गीतहरु श्रोता÷दर्शकमाझ लिएर आइसकेकी छन्।
अमेरिकामा बस्दै आएकी उनले सबै प्रकारका गीतमा आवाज भरेकी छन्। उनले आफ्ना भनाई राख्दै भनिन,‘सबै खालका गीत गाउन मनपर्छ । मायाप्रेमका गीत, आधुनिक र लोक फ्युजन भएका गीत अलिक बढी गाएकी छु ।’