काठमाडौं :
मोडलिङ सँगसँगै अभिनय, ब्यबसाय, समाज सेवा क्षेत्रमा संलग्न रहेका रोहित जोशी आफुभन्दा आधा उमेर कमकी मोडल निशा नेपालसंगको अनस्क्रिन रोमान्स गरेको भिडियो यसै साता सार्वजनिक हुदैछ । ‘तिम्रो मायाँमा भुलिसकें आफुलाई…’ बोलको गीतको भिडियोमा रोहित र नेपालको रोमान्स देख्न सकिन्छ । मोडलिङ क्षेत्रमा रोहित जोशीको निरन्तरता चलिरहेको छ ।
जोशी मोडलिङ क्षेत्रमा पछिल्लो समय निकै लोकप्रिय बन्दै गएका छन् । उनको मिहेनत, प्रतिभा, लगनशीलता, धैर्यता र निरन्तरताका कारणले नै उनले यो सफलता हासिल गरेका हुन् । केही चलचित्र र दर्जनौ भिडियोमा अभिनय गरिसकेका जोशीलाई आम दर्शकहरुले साउथ इण्डियन हिरोको लुक्सको रुपमा हेर्ने गरेका छन् ।
उनी मोडलिङ क्षेत्रमा मात्र सिमित रहेका छैनन्, चलचित्र निर्माणको तयारीमा समेत जुटेका छन् । नेपाली म्युजिक भिडियोको क्षेत्रमा उनी एक व्यावसायिक मोडलको रुपमा स्थापित हुने क्रममा रहेका छन् ।