काठमाडौं :
दश वर्षदेखि मिडियाफेस गरिरहेकी अभिनेत्री नीति शाहका अनेक चुनौतीहरु रहे। फिल्ममा आउन लागेको खबरले हर्षित बनेकी नीति नबन्दाका खबरले चितिन्त हुँदै आइन्। तर यो कुरा उनले कसैसामु पोख्न सकेकी थिइनन्।
फिल्म ‘एक्स नाइन’ होस् या ‘रावायण’ अन्य फिल्ममा उनको नाम जोडियो तर अनेक अल्झनका कारण यि फिल्म बनेनन्। सुदर्शन थापाको फिल्म ‘रावायण’मा अघिल्लो पटक खेल्ने कुरा आएपनि अहिले फ्लोरमा जाने कुरामा उनी अटाइनन्। तर, उनी अभिनित फिल्म ‘खजुरे ब्रो’ भने निर्माण कार्य सकिएको छ। उनी यो फिल्म बनेपछि आफुलाई पर्दामा उतार्दा अत्यन्तै खुशी देखिइन्।
आइतबार सिटिसी मलको सिडिसी हलमा आयोजित फिल्म ‘खजुरे ब्रो’को गीत रिलिज कार्यक्रममा उनले आफ्ना बह पोखिन्।
भावुक हुँदै नीतिले भनिन,‘अलिकती केही गर्न लागिरहेको बेलामा यस्ता कुराहरुख आउँदा निराशा छाउने रहेछ । मलाई सबैले साथ दिनुहोला । यस्ता खबरले अलिकती उत्साह घटाउने काम गर्दो रहेछ ।’
‘जब रावायण पनि बनेन्, त्यसपछि मैले साइन गरेका फिल्म नै बन्दैन भनेर मिडियामा खबरहरु आएँ,’उनले आफ्ना कुरा थपिन्,‘यो कुराले मलाई निराश बनाएको थियो । म मेरो मिडियाका साथीहरुलाई यस्तो नगरिदिनुहुन अनुरोध गर्दछु ।’
कार्यक्रममा उनले फिल्म ‘खजुरे ब्रो’का लागि निकै नै मिहिनेत गरेको र पहिलो फिल्मबाट दर्शकले मन पराउनेमा अपेक्षा राखिन्।
‘मेरो आगामी फिल्ममा अझै राम्रो हुनेछ भन्ने आशा गरेको छु,’उनले भनिन्,‘मलाई सबैले साथ दिनुहोला । यो मेरो डेब्यू फिल्म हो ।’
उनी अभिनित यो फिल्म अर्थात ‘खजुरे ब्रो’ आगामी बैशाख २८ गतेबाट रिलिज हुँदैछ ।
