काठमाडौं :
आगामी बैशाख १२ गतेबाट प्रदर्शनमा आउन लागेको फिल्म ‘भूठान’मा समावेश गीत रिलिज भएको छ। निर्माता अविरल थापाले महाशिवरात्रीको अवसर पारेर ‘ठक्कर’ बोलको गीत युट्युव च्यानल अवेकन प्रोडक्सनबाट सार्वजनिक गरेका छन्। गीतमा पोखराका चर्चित गायक विनोद बानियाँको स्वर र संगीत रहेको छ।
गीतको म्यूजिक भिडियोमा नेपाली रजतपटका लोकप्रिय कलाकार राजवल्लभ कोइराला,सीतादेवी तिमिल्सिना लगायत अन्य कलाकारको अभिनय रहेको छ भने भिडियोलाई सानो संसार फिल्मका निर्देशक सिद्धार्थ पुडासैनीले निर्देशन गरेका छन्। एक्टर टेक वन चलचित्रको प्रदर्शन ताका राजवल्लभ कोइराला नेपाल आएको मौका छोपी सो म्युजिक भिडियाको छायाँकन भएको थियो।
समाजमा बढ्दै गएको चरम निराशा, अवसाद, विग्रह,हत्या र आत्महत्यालाई केही हदसम्म भएपनि निरुत्साहन गर्नका लागि गीत संगीतको माध्यमद्वारा आशा र हिम्मतको संचार गराई मानसिक स्वास्थ्य कायम राख्न सो गीत लेखेको र निर्माण गरेको थापाले बताए। उनले यस अघि फिल्म साँघुरोको लागि आउँदैछु कि जाँदैछु, शिशिर योगीको स्वरमा रहेको आफ्नै देशमा बस साथी,प्रमोद खरेलको स्वरमा यो झरीमा तिमीसँगै,युनिटी ब्यान्डको आशा अझै मरेको छैन लगायत अन्य गीतहरु बजारमा ल्याईसकेका छन् । उनी बहुचर्चित फिल्म ‘बुलबुल’का निर्माता पनि हुन।
समाज र जनमानसको मानसिक स्वास्थ्यप्रति दायित्ववोध गर्दै थालिएको यस अभियानमा काठमाडौं महानगरपालिका र स्वास्थ्य मन्त्रालयले पनि साथ दिएको छ। गीतकार थापाले सबैलाई उत्प्रेरणा दिने यस गीतलाई आम जनमानसमा पुर्याउन र सामाजिक संजाल मार्फत प्रवाह गरिदिन सबै व्यतिm , संस्थाहरु र सबैखाले संचार माध्यमलाई प्रकाशन र प्रसारण गरिदन अपिल समेत गरेकाछन् । गीत युट्युव र संसारभरका लोकप्रिय सबैखाले श्रव्यमाध्यममा उपलव्ध छ। गायक विनोद,गीतकार अविरल र अभिनेता राजवल्लभ पुराना मित्रहरु हुन् ।