काठमाडौं :
अमेरिकामा बसोबास गर्दै आएका अभिनेता राजबल्लभ कोइराला ९ वर्षपछि फिल्ममा फर्किँदैछन्। उनी फिल्म ‘एक्टर’बाट कमब्याक हुन लागेका हुन्। । आइतबार नेपाल आइपुगेका उनी आजबाट फिल्मको छायांकनमा लागेका छन्।
राजन भुषालले निर्देशन गरिरहेको यो फिल्मका निर्माता थमनकुमार भण्डारी हुन्। फिल्ममा राजबल्लभका अलवा प्रदीप खड्का र अभिनेत्रीद्वय आना शर्मा र दिव्या रायमाझीको मुख्य भुमिका रहने छ। दिव्या अभिनेता दिलिप रायमाझीकी छोरी हुन्। उनी अमेरिकामा बस्दा राजबल्लभसँग प्रायः भेट भइरहन्थ्यो। प्रदीप र आनाको भने राजबल्लभसँग पहिलो भेट हो ।
राजबल्लभको कुरा गर्ने हो भने आरजे हुँदै फिल्म ‘पर्खि बसें’बाट उनको डेब्यु भएको थियो। उनको पहिलो फिल्म नै सफल हुँदा उनले करिअर फर्केर हेर्नुपरेन । जब उनी फिल्म ‘हाइवे टु धम्पुस’बाट उनले हलिउडमा समेत डेब्यु गरेका थिए। सोही समयदेखि उनी अमेरिका भासिएका थिए। यही फिल्मको छायांकनका लागि २०७१ सालमा अमेरिका गएपछि कोइराला नेपाल छोडेर अमेरिकामा बसोबास गर्न थाले र अभिनयलाई निरन्तरता दिन सकेका थिएनन्। उनको पछिल्लो नेपाली फिल्म ‘हे युवा’ भन्ने (सन् २०१५) रहेको छ।