काठमाडौं :
गायिका अन्जु पन्तको आवाजमा ‘अधुरो सपना २’ रिलिज भएको छ। गीतकार रीमा श्रेष्ठको सिर्जनामा यस गीतको भिडियो रिलिज भएको हो। उनले ‘अधुरो सपना’ चर्चामा आएपछि दोस्रो गीत स्रोतामाझ लिएर आएकी हुन्।
तीन दशकदेखि अमेरिकामा बस्दै आएकी रीमा पेशाले आईटी इन्जिनियर समेत हुन्। उनी गीत तथा कवितामा समेत कलम चलाउदै आएकी छन्। उनको नयाँ गीतमा अम्बर तुम्बापो सुब्बाको संगीत र रिदम कँडेलको एरेन्ज रहेको छ। प्रेम गाथाको कथालाई उठाएको गीतमा माया हेराई भोगाई जस्तै महशुस पनि हो भन्ने भाव प्रष्ट पारिएको छ।
कुशल गुरुङको लगानी रहेको गीतको भिडियोमा दिक्पाल कार्की र शिला गजुरेलले अभिनय गरेका छन्। भिडियोको निर्देशन सोनम पाख्रिनको छ भने छायांकन दिनेश पराजुलीको छ। यस गीतको भिडियो सम्पादन विकास दाहालले गरेका छन्।