काठमाडौं :
समिक्षात्मक रुपमा सफल मानिएको फिल्म ‘शाम्बाला’अन्तर्राष्ट्रिय अवार्ड हात पारेको छ। टर्कीको १२ औं बोसफोरस अन्तर्राष्ट्रिय फिल्म फेस्टिभलबाट निर्देशक मिन भामले उत्कृष्ट निर्देशकको अवार्ड हात पारेका हुन्।
यहि फिल्म फेस्टिभलबाट फिल्मकी मुख्य अभिनेत्री थिन्ले ल्हामोले पनि उत्कृष्ट अभिनेत्रीको अवार्ड हात जितेकी छन्। पछिल्लो समय फिल्म यो फिल्मले विभिन्न देशको फेस्टिभलमा अवार्ड हात पार्दै आएका छ। टर्कीमा अवार्ड पाउनु यो फिल्मबाट थिन्लेले लोकार्नोमा पनि उत्कृष्ट अभिनेत्रीको अवार्ड उचालेकी थिइन्।
बर्लिन फिल्म फेस्टिभलमा वर्ल्ड प्रिमियर भएको यो फिल्म फेस्टिभलको अन्तर्राष्ट्रिय प्रतिस्पर्धाको विधामा छनोट भएको थियो। यो फिल्ममा थिन्लेसहित सोनम तोप्देन,कार्मका साथै स्थानिय कलाकारहरुले अभिनय गरेका छन्। गत भदौ २८ गतेबाट नेपालरभर रिलिज भएको यो फिल्म अहिले पनि मल्टिप्लेक्स चेन क्यूएफएक्सका हलमा एक शो चलिरहेको छ। फिल्मको कथा निर्देशक भाम र अविनाश विक्रम शाहीले लेखेका हुन्।