काठमाडौं :
फिल्म ‘रावायण’मा अभिनेत्री शिल्पा मास्के र अभिनेता कामेश्वर चौरसिया अनुबन्धित भएका छन् । शुक्रबार फिल्मकी निर्मात्री सुप्रिया कट्वालले फिल्ममा दुवैजना अनुबन्धित भएको जानकारी दिएकी हुन्।
सुदर्शन थापा प्रोडक्सनको ब्यानरमा निर्माण हुन लागेको फिल्ममा उनीहरुलाई औपचारिक रुपमा अनुबन्ध गरिएको उल्लेख गरेकी छन् । सुदर्शन थापाले निर्देशन गर्न लागेको यस फिल्ममा नायिकामा नीति शाह र अभिनेता अनमोल केसी अनुबन्धित भइसकेका छन् । फिल्मको छायांकन भदौदेखि गर्ने तयारी छ ।