काठमाडौं /
जिल्ला सरकारी वकिल कार्यालय काठमाडौंले ललिता निवास जग्गा प्रकरणमा २९० जनालाई प्रतिवादी बनाएर काठमाडौं अदालतमा अभियोजनपत्र दायर गरेको छ।
![Gokarna Karki](https://parichaya.com/wp-content/uploads/2024/09/WhatsApp-Image-2024-09-05-at-9.36.07-AM.jpeg)
आइतबार किर्तेसम्बन्धी मुद्दामा २९० जनालाई प्रतिवादी बनाएर काठमाडौं अदालतमा अभियोजनपत्र दायर गरेको जिल्ला सरकारी वकिल कार्यालय, काठमाडौंका न्यायाधिवक्ता महेशप्रसाद खत्रीले जानकारी दिए।
![](https://parichaya.com/wp-content/uploads/2024/09/8x10ft-media-scaled.jpg)
संगठित अपराधको मागदावी देखिएको अवस्था नरहेकाले किर्तेसम्बन्धी मुद्दामा अभियोजनपत्र दायर गरिएको उनले बताए।
त्यस्तै तत्कालिन अवस्थामा संगठित अपराधसम्बन्धी कानुन नै नभएको र संगठित अपराधसम्बन्धी ऐन २०७० मा मात्रै आएकाले पहिले भएको घटनामा पछि आएको कानून लगाउन नमिल्ने भएकाले संगठित अपराधको मुद्दा नचलाएको खत्रीले जानकारी दिए।
उक्त प्रकरणको प्रतिवादीमा बहालवाला सचिव कृष्णबहादुर राउत, सहसचिव सुशील वैद्य, पूर्वउपप्रधानमन्त्री विजयकुमार गच्छदार लगाएत छन्। त्यस्तै पूर्वनिर्वाचन आयुक्त सुधीरकुमार शाहलाई प्रतिवादीको सूचीबाट हटाइएको छ।