काठमाडौं :
युवा पुस्तामाझ भाइरल थेँगो ‘उडी उडी चुप्पा’ बोलको गीत नै बनेको छ। गीतको भिडियो बनेर यतिबेला स्रोता तथा दर्शकमाझ आएको छ।
गीतमा तेजु मगर र उषा लामिछाने मगरको स्वर रहेको छ। गीतलाई हिरन थापाले लेखेका हुन् भने संगीत गायक तेजु कै रहेको छ।
सार्वजनिक गीतको भिडियोमा लक्ष्मण भण्डारी, चन्द्र गुरुङसँगै टिकटकबाट भाइरल भएका मोडलद्वय बिना राउत र आभा थापाले अभिनय गरेका छन् । भिडियोलाई मौसम हिमालीले निर्देशन गरेका हुन् ।
सार्वजनिक गीतको भिडियोमा निर्देशकले दुई जोडीको गज्जबको रोमान्स प्रस्तुत गरेका छन् । गीतको भावसँग मिल्ने गरि मोडल छनौट र कोरियोग्राफिको डिजाइन गरिएको देख्न सकिन्छ। युवा पुस्तामाझ चर्चित थेगोमा आधारित रहेर बनेको गीत भएका कारण यो गीत पनि युवापुस्तामाझ चर्चित हुने अपेक्षा निर्देशक हिमालीको छ।
लक्ष्मण भण्डारी युट्युब च्यानलबाट सार्वजनिक गीतमा एलबी डान्स एण्ड जुम्बाको प्रस्तुतीमा भिडियो निर्माण भएको हो । मोडल समेत रहेका भण्डारीले काठमाडौंमै एलबी डान्स एन्ड जुम्बा कक्षा संचालन गरिरहेका छन्। भिडियोलाई राजेश घिमिरेले छायाँकन गरेका हुन् भने नविन घर्तीमगरले सम्पादकको काम गरेका छन्।