धरान :
४ वर्ष अघि रिलिज भएको गीत ‘चिसो चिसो छ यो मौसम’को सफलतापछि चर्चित गायक तथा प्रथम लिम्बुवान आइडल बिजेता कन्चन थलंगले ‘ चिसो चिसो छ यो मौसम’को दोस्रो भाग दर्शकमाझ लिएका आएका छन्। उनले यो गीतको भिडियो सहित दर्शकमाझ आएका हुन्।
गायक थलङकै शब्द, संगीत , स्वर संगै अभिनय समेत रहेको गीतको म्युजिक भिडियो गत मङ्गलबार धरानको फ्रेन्ड्स सिनेमा हलमा एक भव् कार्यक्रमका बीच सार्वजनिक गरिएको थियो ।
उनलाई म्युजिक भिडियोमा नायिका रेखा लिम्बुले साथ दिएका छन्। सार्वजनिक भएको छोटो समयमा यो गीत टिकटकमा समेत भाईरल बन्दैछ भने युटयुब भ्युज समेत राम्रै पाइरहेको छ। सन्जिब सुब्बाको संगीत संयोजन , अर्जुन तिवारीको छायांकन, विवेक सुनारको सम्पादन रहेको म्युजिक भिडियो सान थापाको निर्देशनमा निर्माण भएको हो।
यसअघि ‘चिसो चिसो छ यो मौसम’ कन्चन थलंग र मेलिना राईको स्वरमा मेल र फिमेल भर्सनमा ल्याईएको थियो र दुवै भर्सन दर्शक( श्रोताहरु द्वारा रुचाईएको थियो। दोस्रो भागमा भने मेलिना राईको स्वरमा केहि समयपछि आउने गायक तथा संगीतकार कन्चन थलंगले बताए। म्युजिक भिडियो उनकै अफिसियल च्यानलमा रहेको छ।