मोरङ :
सोमबार राती मोरङको पथरीशनिश्चरे—७ स्थित लामाटोलीमा १५ वर्षिय बालिका हत्या गरेको आरोपमा प्रहरीले एक जनालाई पक्राउ गरेको छ । राति करिव १० बजे सन्जना भन्ने १५ वर्षिया ज्ञानमति थुलुङ राईको धारिलो हतियार प्रहार गरि हत्या गरेको आरोपमा प्रहरीले मोरङ ग्रामथान—४ का ३८ वर्षिय धिरेन्द्र चौधरीलाई पक्राउ गरेको छ ।
किशोरीको विभत्स हत्या भएपछि जिल्ला प्रहरी कार्यालय मोरङ प्रमुख एसपी नवीन कार्कीको टोली राति नै घट्ना स्थल पुगेर विहान ३ बजेसम्म अनुसन्धानमा खटिएका थिए । खोटाङ ऐसेलुखर्क—६ सल्लेकी ज्ञानमति राई मामाको दाजुसँग पथरीमा बस्दै आएकी थिइन्।
बाबुको मृत्युपछि मामा छोरी र पछि छोराको घरमा बसेर कक्षा ७ मा पढ्दै थिइन । प्रहरी नियन्त्रणमा रहेका धिरेन्द्र चौधरी भूपू प्रहरी हुन्।प्रहरीका अनुसार चौधरीले गत असारमा ज्ञानमति राईलाई बिहे गरेको भन्दै भारत लजानेक्रममा जोगवनीबाट माइति नेपालले पक्राउ गरेको थियो ।
घट्ना भएको केही बेरमै इलाका प्रहरी कार्यालयका निमित्त प्रमुख इन्स्पेक्टर शुसिल पाण्डे, शसस्त्र लगायत प्रहरी टोली घट्ना स्थल पुगेर कुकुरसमेत लगाएर अनुसन्धान सुरु गरेका थिए ।
