काठमाडौं,
अन्तर्राष्ट्रिय स्पोर्ट्स ब्रान्ड एक्सटेप (XTEP) ले नेपाल प्रिमियर लिग (एनपीएल) सँगको साझेदारीलाई निरन्तरता दिँदै आगामी सिजनका लागि पुनः अफिसियल एपेरल पार्टनरको जिम्मेवारी पाएको छ।
नेपाली क्रिकेटको बढ्दो लोकप्रियता, खेलाडीहरूको उत्साह र क्रिकेटप्रेमीको आकर्षणलाई थप ऊर्जा दिने उद्देश्यसहित एक्सटेपले एनपीएलसँगको सहकार्यलाई निरन्तरता दिएको जनाएको छ।
एक्सटेप र एनपीएलबीचको यस सहकार्यले नेपाली क्रिकेटको व्यावसायिक विकास, खेल संस्कृतिको प्रवर्द्धन तथा अन्तर्राष्ट्रिय खेलकुद ब्रान्डसँगको सम्बन्ध विस्तारमा योगदान पुर्याउने अपेक्षा गरिएको छ।
“एक्सटेप एक्स एनपीएल—टुगेदर फर द गेम” नारासहित ब्रान्डले नेपाली क्रिकेटप्रतिको आफ्नो प्रतिबद्धता दोहोर्याएको छ। यस साझेदारीले नेपाली क्रिकेटको विकाससँगै खेलकुद क्षेत्रमा ब्रान्डको उपस्थिति थप बलियो बनाउने विश्वास लिइएको छ।