एजेन्सी :
अल्लु अर्जुन अभिनित फिल्म ‘पुष्पा–२’ आगामी डिसेम्बर ५ तारिखमा प्रदर्शनमा आउने भएको छ। अहिले यसैको प्रमोसनमा अभिनेता अल्लु अर्जुन दौडधुपमा लागेका छन्। उनी आफैले फिल्मको प्रमोशनको जिम्मा समेत लिएको भारतिय मिडियाले जनाएका छन्।
इण्डिया टुडेका अनुसार अल्लु अर्जुनले रश्मिका मन्दानाका साथमा भारतका ६ सहरमा फिल्मको प्रमोसन गर्दैछन्। नोभेम्बर १५ देखि १५ दिनको लागि पटना, कोच्ची, चेन्नई, बैंगलुरु, मुम्बई र हैदराबादमा अर्जुनले भ्रमण गर्नेछन्। यो अवधिमा यसअघि डिसेम्बर ६ मा रिलिज गर्ने निर्णय भएको यो फिल्मको प्रदर्शन मिति परिवर्तन गरिएको हो। सन् २०२१ मा रिलिज भएको ’पुष्पाः द राइज’ वर्षको सबैभन्दा धेरै कमाउने भारतीय फिल्म थियो। यो फिल्मले पनि त्यस्तै व्यापार गर्छ भन्नेमा निर्माण पक्षले विश्वास लिएका छन्।