काठमाडौँ :
शुक्रवार राजधानीमा एक कार्यक्रमको आयोजना गरि निर्माणधिन चलचित्र ‘बल्कि’को नाम सार्वजनिक गरियो। फिल्म ‘बल्कि’को कथा दिनेश बि.क.ले लेखेका हुन् भने यस फिल्मलाई राहुल बराइलीले निर्देशन गर्ने भएका छन्।
म्युजिक भिडियो र फिल्मको गीतहरुमा नृत्य निर्देशकको रुपमा आफ्नो पहिचान बनाएका बराइली ‘बल्कि’बाट फिल्म निर्देशनमा डेब्यु गर्दैछन् । उनलाई नवराज शर्मा, करण साउद र विश्व माझीले निर्देशनमा साथ दिने निर्माण पक्षले जनाएको छ।
द पाम ग्रुप प्रालीको ब्यानरमा निर्माण हुने ‘बल्कि’ का निर्माता सुदन खत्री हुन् भने कार्यकारी निर्माता शेखर लामा रहेका छन्। फिल्म ‘बल्कि’ले हास्य,रोदन, भावनात्मक, सामाजिक जातीय विभेद र छुवाछुतबाट सबैजना अलगिएर हामी सबै एक सम्मानित नागरिक हौ भन्ने सन्देश दिने कार्यकारी निर्माता लामाको भनाईछ । लामाले यो भन्दा पहिला बहुपति प्रथामा आधारित फिल्म ‘टुल्की’ निर्माण गरिसकेका छन् ।
आगामी फागुनको अन्तिम साताबाट छायांकन सुरु गरिने यस फिल्मका लागि कलाकारहरु छनौट भइरहेको छ। फिल्ममा राजु किरातीको द्वन्द, बासु न्यौपानेको छायांकन रहने छ।