काठमाडौं :
‘नेपहपको श्रीपेच–२’को सफलतासँगै निर्माता टोलीले ‘ब्याटल भूमि’नामक नयाँ र्याप ब्याटल शोको डिजिटल अडिसन शुभारम्भ गरिएको घोषणा गरेका छन्। मंगलबार बालुवाटारको नेपाल हाउसमा पत्रकार सम्मेलन गर्दै उक्त कार्यक्रमको औपचारिक घोषणा गरेका हुन्।
डिजिटल तथा फिजिकल दुवै माध्यमबाट अडिसन लिइने ुब्याटल भूमिुमा सहभागी हुनका लागि www.nepalirap.com मार्फत प्रतियोगीले आफ्नो प्रस्तुतिको भिडियो अपलोड गर्न सक्नेछन् । त्यसपछि प्राप्त अडिसन मध्ये उत्कृष्ट ६४ प्रतियोगी चयन गरिनेछन् र छनोट गरिएका सहभागीहरूले जज राउन्डमा प्रतिस्पर्धा गर्नेछन्। डिजिटल अडिसनको लागि बिट श्रीपेच स्टुडियोको युट्युब च्यानलबाट डाउनलोड गर्न सकिनेछ भने कपि राइट फ्री बिटमा पनि भिडियो बनाएर पठाउन सकिनेछ। विजेताले नगद रु ५ लाख रुपैयाँ तथा विभिन्न ब्रान्ड इन्ड्रोसमेन्टका अवसरहरू प्राप्त गर्ने आयोजकले जनाएका छन्।
निर्माता सुदिप पोखरेलले नेपाली समाजमा र्याप र हिपहपको बढ्दो लोकप्रियतालाई मध्य नजर गर्दै यो कार्यक्रमको सुरुवात गरेको बताएका छन्। ‘ब्याटल भूमि’को निर्देशकमा बिक्रम खनाल रहने छन् भने शो को कार्यकारी निर्माताको रूपमा आदर्श विष्ट रहेका छन् । कार्यक्रमको मुख्य निर्णायकमा मानस घले रहनेछन् भने उनलाई विभिन्न एपिसोडमा गेस्ट जजले पनि साथ दिनेछन् । साथै ‘नेपहपको श्रीपेच–२’ का उत्कृष्ट प्रतियोगी मनिष ढकाल ुमेकुलाई कार्यक्रम संचालकको भूमिकामा देख्न पाइनेछ । कार्यक्रमको मुख्य सहायक निर्देशकको रूपमा सुशान्त कटवाल रहेका छन् ।
दामी मिडियाको प्रस्तुति रहेको ुब्याटल भूमिुको डिजिटल अडिसन पुस २६ गते सम्म खुल्ला रहनेछ। कार्यक्रमको डिजिटल पार्ट्नरको रूपमा ओ।यस।आर रियालिटी र भोटिङ्ग पार्टनरको रूपमा एभेन्टोज रहेको छ।