काठमाडौँ/
संयुक्त राष्ट्र संघले डिसेम्बर २१ लाई विश्व ध्यान दिवस रूपमा मान्यता दिएको छ ।
जीवन विज्ञान प्रतिष्ठानले डिसेम्बर २१ ले विश्व ध्यान दिवस रूपमा मान्यता पाउनुले पूर्वीय दर्शन र संस्कृतिको गौरव विश्वभरि फैलिएको टिप्पणी गरेको छ ।
‘संयुक्त राष्ट्र संघद्वारा डिसेम्बर २१ लाई विश्व ध्यान दिवसको रूपमा मान्यता प्रदान गरिएको समाचारले सम्पूर्ण मानव समाजमा एक नवीन चेतना जागरण गराएको छ’, जीवन विज्ञानले भनेको छ, ‘नेपाल लगायत विभिन्न राष्ट्रहरूको सामूहिक प्रयास र जीवन विज्ञान प्रतिष्ठानजस्ता संस्थाहरूको अथक साधना यस उपलब्धिको आधारशिला बनेको छ। यस पवित्र घोषणाको हामी हृदयदेखि स्वागत गर्दछौँ।’
ध्यानलाई शुद्धतम रूपमा विश्वभरि प्रचारप्रसार गरी मानव कल्याण, शान्ति, र आरोग्यको उज्यालो वातावरण निर्माण गर्ने यो महाअभियानमा समर्पित सम्पूर्ण साधक र संस्थाहरूप्रति जीवन विज्ञानले नमन अर्पण गरेको छ ।
